1994 j. – Qazaqstan Respýblıkasy Prezıdentiniń janyndaǵy Ulttyq Joǵary Memlekettik basqarý mektebi (UJMBM) ashyldy (Qazaq KSR OK janyndaǵy Joǵary partıa mektebi bazasynda 1942 jyly qurylǵan).
Negizdeme: Qazaqstan Respýblıkasy Prezıdentiniń 1994 jylǵy 29 tamyzdaǵy № 1845 Jarlyǵy.
1998 j. – Qazaqstan Respýblıkasy Prezıdentiniń janyndaǵy UJMBM jáne Qazaqstan Respýblıkasy Úkimetiniń janyndaǵy Memlekettik qyzmetshilerdi qaıta daıarlaý jáne olardyń biliktiligin arttyrý ınstıtýtynyń birigýi arqyly Qazaqstan Respýblıkasy Prezıdentiniń janyndaǵy Memlekettik qyzmet akademıasy quryldy.
Negizdeme: Qazaqstan Respýblıkasy Prezıdentiniń 1998 jylǵy 18 qyrkúıektegi № 4078 Jarlyǵy.
2000 j. – Qazaqstan Respýblıkasy Prezıdentiniń janyndaǵy Memlekettik qyzmet akademıasynyń elorda – Astana qalasyna qonys aýdarýy.
2005 j. – «Qazaqstan Respýblıkasy Prezıdentiniń janyndaǵy Memlekettik qyzmet akademıasy», «Qazaqstan Respýblıkasy Joǵarǵy sotynyń janyndaǵy Sot akademıasyn» biriktirý jáne «L.N.Gýmılev atyndaǵy Eýrazıa ulttyq ýnıversıteti» RMQK Dıplomatıalyq akademıasynyń fýnksıalaryn jańadan qurylatyn memlekettik mekemege berý arqyly Qazaqstan Respýblıkasy Prezıdentiniń janyndaǵy Memlekettik basqarý akademıasy quryldy.
Negizdeme: Qazaqstan Respýblıkasy Prezıdentiniń 2005 jylǵy 31 mamyrdaǵy № 1583 Jarlyǵy.
2008 j. – Akademıa memlekettik mekemeden respýblıkalyq memlekettik qazynalyq kásiporny (RMQK) bolyp qaıta quryldy.
Memlekettik qyzmetshilerdiń joǵary býynyn qaıta daıarlaý maqsatynda Akademıa quramynda Memlekettik saıasattyń ulttyq mektebi quryldy. Qazaqstan Respýblıkasy Memlekettik qyzmet isteri mınıstrligi Akademıanyń memlekettik basqarý organy bolyp aıqyndaldy.
Negizdeme: Qazaqstan Respýblıkasy Prezıdentiniń 2008 jylǵy 28 qarashadaǵy № 698 Jarlyǵy.
2012 j. – Akademıany reformalaý boıynsha Eýropalyq Odaqpen birlesken jobany iske asyrý bastaldy. Akademıanyń damý Tujyrymdamasy qabyldandy (2012 jyldyń mamyry) jáne iske asyrylýda. Qazaqstannyń memlekettik qyzmet úshin jańa turpatty magıstrler men ǵylym doktorlaryn daıarlaý boıynsha álemde tanylǵan MPA (Master of Public Administration), MPP (Master of Public Policy), DPA (Doctor of Public Administration), DPP (Doctor of Public Policy) bilim baǵdarlamalary alǵash ret engizildi.
2014 j. – Qazaqstan Respýblıkasy Prezıdentiniń janyndaǵy Memlekettik basqarý akademıasynyń 2020 jylǵa deıingi Damý strategıasy bekitildi, jańa baǵyttardy damytýdyń quzyrettilik jáne praktıkaǵa baǵdarlanǵan tásili negizinde memlekettik qyzmetshilerdi oqytý júıesin odan ári jańǵyrtý maqsatynda jáne TMD, SHYU elderindegi bilim berý qyzmetteri naryǵynda básekege qabilettilikti arttyrý qajettiligine baılanysty ázirlendi.
